Pag 99

omnes discipulos, exceptis XII, per universam Iudeam et Samariam dispersit, immo et usque ad
Fenicem et Cyprum et Anthiochiam disseminavit, Iudeis tantummodo predicantes, quia nondum
audebant gentibus predicare. Philippus ergo predicavit et signa fecit et baptiza vit in Samaria,
que recepit verbum Dei. Sed Symon magus simulate accepit baptismum. Qui, cum Petrus
et Iohannes descendissent in Samariam, ut imponerent manus super baptizatos, ait illis:
“Date michi potestatem, ut, cui manus imposuero, accipiat spiritum sanctum”. Cui Petrus: “Pecunia
tua tecum sit in perditionem”. Ad hec Phylippus baptizavit Ethiopem eunuchum potentem
Candacis regine Ethiopum in via, cum reverteretur ab Iherusalem, qui adorare venerat.
Anno XIX imperii Tyberii Cesaris Saulus, qui consenserat neci Stephani, adhuc
spirans minarum in Damascum ibat in persecutionem credentium, qui cadens in
terram audivit vocem sibi dicentem: “Saule, Sa[ule], quid me persequeris?” Et veniens in
Damascum baptizatus est ab Anania. Cumque predicaret Christum, voluerunt Iudei occidere
illum, sed dimissus est in sporta per murum et abiit in Arabiam, ubi nullus adhuc
predicaverat apostolorum. Eodem anno Pilatus ymaginem Cesari in templo statuit.
Et vox insonuit: “Transmigremus ex his sedibus”. Iacobus itaque frater Domini Ierosolimis
a Petro et filiis Boanarges ordinatur episcopus, et alii per diversa mundi climata
dividuntur, simbolo fidei prius concorditer facto. Tadeus igitur, unus ex LXX
discipulis, adivit Abagarum regem Edissine civitatis, qui scripserat Domino, ut curaret egritudinem
eius; et Dominus rescripserat dicens: Cum assumptus fuero, mittam ad te unum ex
discipulis meis, qui curabit egritudinem tuam ac vitam prestabit tibi et tuae civitati. Adiens
ergo Tadeus et regem curavit et fide civitatem Christo domino copulavit. Thomas sortitus
est Parthos et Medos, Matheus Ethiopiam, Bartholomeus Indiam, Andreas Scithiam,
Iohannes Asyam, Phylippus Scithiam Tyberii et Asiam, Iudas, qui et Thadeus, Mesopotamiam,
Symon Egyptum, Petrus Pontum, Galaciam, Bithiniam, Capadociam, demum Romam. Petrus
igitur pertransibat universos, et cum venisset Lidde, sanavit Eneam paraliticum. Et veniens