et convenit, et pactum fecit michi notario, vel tali
iudici recipienti pro ipso pupillo vel pupillis, se facturum
et curaturum ita quod idem I. tutor faciet et
observabit ut supra promisit, et si non observabit, ipsemet
et faciet, et promisit res predicti vel predictorum
pupillorum fore salvas. Alioquin: eidem iudici recipienti
pro eo vel eis dare, nomine pene, duplum rei amisse
vel neglecte, et dampna et expensas resarcire, et post
hec ex pacto firma tenere, sub ypotheca et obligatione
bonorum suorum presentium et futurorum; constituens
et cetera; et ren(umptians) et cetera.
DE DOTRINA INVENTARIORUM.
Vel: tali anno et die et indictione f(eliciter). Talis et
talis tutores testamentarii vel legiptimi talium pupillorum,
vel dati per talem potestatem vel iudicem pupillis
infrascriptis, scilicet tali et tali, ut continetur
instrumento facto manu talis notarii, cupientes facere
inventarium de hereditate et bonis ipsorum pupillorum,
vel talis et talis fratrum et sororum pupillorum, filiorum
olim talis, infrascripta bona et res in eorum hereditate
se invenisse confessi sunt; in primis talem casam
et terras, et debent terminifinari, et post massariam,
pannos et res et instrumenta. Item confessi sunt invenisse
quandam scripturam factam per manum talis
iudicis et notarii, continentem debitum librarum tot,
quod dare debet tali et tali, pro eo exstitit fidesiussor;
et aliam per manum talis notarii, in qua continetur
talem et talem eis debere tot denarios, vel tale quid ex
tali causa, et talis et talis fideiusserunt; et aliam in qua
continetur quod talis debet tale quid et cetera, ut
supra promiserunt et iuraverunt, eodem modo et pena.
Insuper, rogatu et mandato predictorum tutorum, talis
et talis, fideiubentes in omnem causam, promiserunt et
fecerunt, et se obligaverunt et renuntiaverunt, ut supra,
eodem modo et pena et cetera.
|
|