Colebmalea. que in lingua nostra sonat cor cogitancium. ibi est arena
subtilissima. in qua invenitur sal ad cruste modum. et de illo sale nos
recepimus. Deinde de puteo soldani recedentes per aliam viam a Saracenis
per desertum magnum tribus diebus pervenimus ad unum magnum montem.
ubi erat aqua optima. qua suscepimus in utribus nostris. et montem
pertransivimus et ab alia parte descendimus. est eciam altus mons. et pervenimus ad quamdam vallem: deinde transientes per medios montes
altissimos in valle stricta. per duos dies pervenimus ad unum locum. ubi
est aqua. que egreditur de monte. hec est illa aqua. quam produxit Moyses.
jubente Deo et murmurante populo et dicente: Cur nos exire fecisti de
Egipto. ut nos et jumenta moriremur siti? Et percussit Moyses petram Oreb
virga. et statim egresse sunt aque et adhuc sunt. et ego bibi. et vocatus est
locus temptacionis. ut habetur XVijº capº. et hoc legitur in Psalmo. quum
percussit petram et fluxerunt aque. etc. Et venite. exultemus secundum diem temptacionis
in deserto etc. Et notandum quod bis produxit Moysis aquam de petra.
primo vocatur loco temptacionis. secundo in deserto Syni. ut habetur
Numeri. XXº capº. et vocatur aque contradictionis: ibi perdidit graciam Dei.
Deinde. transeuntes. pervenimus ad montern altissimum. quem cum difficultate ascendimus. et. in medio montis. est unus fons parvus: deinde.
superius accedentes. invenimus unum fontem cum uno jardino pleno
vineis. olivis. ficulneis. et ultra illum fontem ad duo miliaria in medio duorum montium in valle. est illud venerabile monasterium Beate Katherine.
ad quod pervenimus die dominico Xº Septembris. hora tercia. fatigati.
lassi et penitus semivivi: laus sit Deo. qui nos sanos ibidem conduxit.
Predictum monasterium est venerandum et devotum habendum. et habitant
in eo centum calogeri sive fratres greci et viri religiosi. antiqui
patres. Nan illa hora. qua perveni ibi ad portam monasterium. illi calogeri
portabant extra monasterium unum monachum defunctum et ipsi processionabiliter bini incedebant: computavi inter eos LX fratres antiquos. quod