Bonus Lucensis: Cedrus Libani

Pag 41


Exempla quandoque rem faciunt plus ornatam,
quandoque magis dilucidam et apertam, quandoque
plus verisimilem et probabilem, quandoque magis perspicuam
et quasi ante oculos intuendam.
12 IMAGO
Imago est forme cum forma collatio iuxta
similitudinem corporalem, ut: Christus surrexit a mortuis
quasi leo fortissimus de cubili
.
Quandoque fit ut in invidiam trahat, hoc modo:
Iste quasi camelus divitiarum pondere honeratus, defert
pecuniam, sed non confert.
.
Quandoque fit ut in contemptum ducat, hoc modo:
Iste quasi coelea cum suarum rerum substantia se
abscondens cum tota domo tacitus ut pereat auferetur
.
Ita enim contingit de multis miseris, qui ad modum
testudinis se occultant, et ipsi a milvo, idest a
diabolo, raptu tacito rapiuntur.
13. EFFECTIO
Effectio est forme corporis alicuius effectio
quedam satis intelligibilis et expressa; et vocatur
iste color catacrismus , et fit hoc modo: Is de quo loquor
est rufus, brevis, canus, incurvus, habens in mento
etiam cicatricem
.
14. NOTATIO
Notatio est cum alicuius natura certis describitur
signis, scilicet quando per dicta vel facta virtus
aut vitium alicuius notatur, hoc modo: Hic anulum
cum sinistra demonstrat, quia extimat ut gemme nitor

Torna all'inizio