promisisse ut superius continetur, cuique in solidum, ut
ita solvant vel faciant, et defendant predictam rem, et
adimpleant et observent ut superius promiserunt et
continetur.
Vel ita: cui tali mulieri, vel alteri sic confitenti, vel
quibus debitoribus, tam principalibus quam fideiussoribus,
sic volentibus et confitentibus, cuique in solidum,
precepit talis iudex et notarius, vel ego talis iudex et
notarius infrascriptus, ex offitio constituti et guarentisie
comunis Florentie, ut solvant et observent ei, ac
faciant vel defendant predictas res, ut supra promiserunt
et continetur.
Et nota quod hoc preceptum guarentiscie debet poni
et scribi in contractu, antequam testes scribantur, vel
post, ad hoc quod contineatur quod factum fuerit preceptum
coram eisdem testibus, et non ponatur in aliquo
contractu, nisi factum fuerit, et in ebrevietura
contineatur.
DE SUBSCRIPTIONE CUIUSLIBET INSTRUMENTI A SE
NOTARIO SCRIPTI.
Posito et facto signo, notarius ita subscribatur
instrumento: ego talis iudex et notarius, predicta dum
agerentur, rogatus interfui, et ea coram me acta scripsi
fideliter et publicavi, ideoque subscripsi I.; vel ita: ego
talis domini Frederigi Romanorum inperatoris iudex
et notarius, hec omnia coram me acta, quibus rogatus
interfui, scripsi et publicavi, et predictam mulierem vel
mulieres legiptime interrogavi, et predictum preceptum
feci, ideoque subscripsi I.; set si non fiat preceptum
non dicatur; vel ita breviter: ego talis iudex et notarius
hec omnia rogatus scripsi, et in publicam formam redegi
et precepi, ideoque subscripsi I.; vel ita: predictis
rogatus interfui, et meam auctoritatem prestiti, ideoque
subscripsi.
|
|