partem suae foecunditatis infudit; sed praeter communem
opinionem omnium, in singulari subjecto congerens
quicquid contulerat universis, magistrum Petrum
de Vinea cunctis peperit clariorem. Nec sine merito sic
ipsum sua liberalitate dotavit, cum virtutum congeriem
personarum varietas saepe confunderet, sententiarum erraret
autoritas, et jura prompta solvere, buccis lacerata
domesticis, ordinarium judicem non haberet. Multum
etenim ut requiem quaereret, sapentiae felicis ingenium
in gyro coeli et abyssi profundo circumquaque vagaverat;
sed in hoc demum sua fixit tentoria, in hoc sui motus
circuitum limitavit: cum quo factum cor unum et anima
una, in eo ferrum de terra transtulit, et lapidem calore
resolvit, ut quicquid esset terrena grossities in doctrinae
substantiam verteretur; per cujus namque virtutis instinctum
justicia mortificata resurgeret et eclipsati juris
qualitas suae discretionis industria supplementa sentiret;
qui velut novus legifer Moyses de monte Synai, legum
copiam concessam sibi coelitus hominibus reportavit; ut
quorum noxius appetitus per lustra devia oberrarat, ad
industriae fabricam, qua imposita quaelibet diriguntur,
ejus luce praevia dirigatur. Hic est siquidem alter Joseph,
cui tanquam fideli interpreti, ejus studio magnus ubique
Caesar (de cujus potentia sol et luna mirantur) circularis
orbis regna gubernanda commisit: qui tanquam Imperii
claviger claudit, et nemo aperit, aperit, et nemo claudit:
cujus eloquentiae tuba dulcisonans, orationis voce mellifluae
audientium corda demulcet, utpote cui quicquid
erat sub pallio solis absconditum, praeter clausi libri
septem signacula, divinus intuitus revelavit. Ipse etenim
Petrus fundatur in petra, ut caeteros fidei stabilitate fundaret
et synceritatis soliditate firmatus, foret aliis fundamentum.
Relictis quidem retibus, princeps apostolorum,
Petrus ille piscator minimus, secutus est Deum; sed Petrus
|
|