Item ad episcopum.
Summa ueneratione summeque laudis celebratione dignissimo
diuine largitate munificentie plenissimo V divina gratia bononiensi
episcopo pastori et dispensatori quam optimo - uel sic:
uenerabili et dilecto domino V bononiensis ecclesie presuli
sanctissimo - Vgo suus ubique uel ubicunque clericus et sacerdos
humillimus omnimodam subiectionem, uel debite subiectionis
obsequium, uel huius et future uite gloriam, uel diu feliciter uiuere.
Uel sic: litteris decorato, moribus honesto, munerum
largitate magnifico; uel sic: genere claro, solerti pectore
gnaro, moribus egregio, V Bononiensium presuli dignissimo A
fauentine ecclesie archidiaconus eiusque confratres salutem et
reuerentiam.
Ad discipulos scienciam magistrum petentes.
[colonna a]
V bononiensis ecclesie sacerdos
licet indignus solo nomine
magister suis scolaribus in Christo
dilectis salutis et peticioni affectuum,
uel philosophie gradus
ascendere, uel scientiis iugiter
proficere, uel Ypocratis prudentiam
et tullianam eloquentiam.
[colonna b]
V boemensis ecclesie canonicus
licet indignus solo nomine
magister scolaribus suis in animo
dilectis mentis scientiam penitusque
beniuolentiam, uel perfectionis
effectum, uel philosophie
gradus ascendere, uel in litteris
proficere, uel ad meliora iugiter
anhelare, uel Hipocratis
scientium et Ciceronis
eloquentiam.
Ad magistrum.
Litterarum scientia ditissimo uel prudentissimo uel adprime
|
|