stianos, qui papae Eugenio suggesserunt, quod Proculus, episcopus
Interamnensis, ante solis ortum Missam celebrans, repente post eucharistiam
sumit cibum, infirmitatem ac stomachi debilitatem,
quam sanctus ex longe ante habitis afflictionibus patiebatur, omnino
tacentes. His auditis, papa commotus animo, iussit cubiculariis
suis, ut celerius euntes, eum ad se ligatis post tergum manibus
ducerent. Sed cubicularii cum peruenissent ad eum, remissius
eum affati sunt, dicentes: «Carissime Procule, domnus papa mittit,
ut nobiscum uenias, et ante conspectum eius assistens ad interrogata
respondeas». 40 Sed cum iam esset sero, iter distulerunt ad mane.
Dei autem famulus surrexit media nocte, et Missas celebrauit,
et sumpta eucharistia, rogauit papae nuntios, ut secum ederent: cui
assentire noluerunt. Cum uero iter agerent, contigit, ut sodales
eius ex calore solis sitibundo pectore anhelarent. Quibus cum
multum episcopus condoleret, uidit ceruam cum hinnulo suo iter
carpere; cui in nomine Domini imperauit, ut staret; quae mox stetit
ad eius imperium: quam uir Dei mulgens, sociis potum dedit.
Nuntii uero papae intuentes prodigium, humo tenus se prostrauerunt
ad eius uestigia, ueniam postulantes.
Dominus autem uolens magnificare sanctum suum, misit angelum
suum in uisu noctis, dicentem papae: «Dimitte seruum
meum Proculum, episcopum Interamnensem, et quae ab eo facta
sunt, recte et non sine causa, cum Domino intellige operata».
Tunc presul, ex uisione perterritus, misit ex latere suo honorabiles
nuntios, ut ubicumque obuiarent sancto, cum magno honore dimitterent
eum, pro se ueniam postulantes. Cumque intuentes
eum uellent cum honore dimittere, et ueniam postulare, noluit beatus
Proculus, dicens se uelle uidere tanti pontificis uultum.
Tunc ascendentes equos cum gaudio, abeuntes Romam, se
pontifici presentarunt: qui uidens secum Proculum, cecidit ad pedes
eius, dicens: «Sancte Dei, sume culpabilem, et ueniam da poscenti,
pro te ab angelo flagellato!». Cui sanctus: «Noli, Pater,
sic humiliando te, decus Catholicorum minuere, sed me transgres-
|
|