quoque monasterii plurimas recollegit. His temporibus
supradicti principes multa cum Sarracenis, et Grecis certamina
habuerunt, sed Dei misericordia victoriam acceperunt. Tunc
quoque monasterium domini Salvatoris in Aliphis, quod Arichis
princeps constituit, <ac> rebus multis et possessionibus, servis, et
ancillis ditatum, Beatissimi Vincencii monasterio subdidit, depredatum
et incensum a Sarracenis fuerat. cuius habitatores, qui
evadere potuerunt, Beneventum venerunt, et a principibus, ac
civibus. auxilium postulantes, Sancte Crucis in honore ecclesiam
constructam acceperunt, ubi aliquandiu habitantes, Victorini martiris
ecclesiam <peci>erunt, ibique cenobiolum edificantes deinceps
permanserunt. Simili quoque modo Beati Petri monasterium in
eodem territorio Beneventano, quod <in> Tontole dicitur, fuerat
desolatum, et <hoc> ipsum Beatissimi Vincencii monasterio subditum
cum multis rebus. primo igitur, licet cum magna inopia
<in> multis laboribus constitutus predictus pater cenobium edificare
cepit; aliquantos fratres ad Dei servicium ibidem congregavit, cum
quibus bona malaque ex equo parciebatur. aderat tamen dextra
divine potencie, qui eos in omnibus adiuvabat. castrum quoque,
quod dicitur Toccum, cum ecclesia ibidem constructa in honore
Beati Vincencii, et ea que iuxta erant in loco Larini, omnia habebantur
sub iuris dominacione huius monasterii. Obiit autem