Ad curam spectat sancte Romane ecclesie tales preficere viduatis ecclesiis
antistites et pastores, qui nedum commissas sibi ecclesias bene regant,
sed et universas et singulas diocesum ecclesiarum ipsarum personas tam
humiles, quam sublimes in pace et benevolentia spirituali conservent.
Hec, pater et domine reverende, ea ratione preloquimur cum humili porrectione
rogaminum, ut, si forte, quod evenire nollemus, non contingeret
… electum, vel propter defectum iuris, vel alterius impedimenti obicem,
prefici in episcopum Wintonensem, qui magnam partem sue substantie
etc., amicitia et benivolentia coniungatur, ut per hoc ipsi comiti et eidem
ecclesie pacis tranquillitas preparetur et omnis materia inter ipsos dissensionis
et scandali precidatur.
Domino pape rex Anglie, super ipsius creatione novella, per
Stephanum.
Redemptor noster, in cuius ditione cuncta sunt posita, volens ex sue
miserationis habundantia sacrosancte Romane et universali Ecclesie, sponse
sue, effusione sui preciosi sanguinis rubricate, gemitibus, quos frequentis
turbinis, in occasu summorum pontificum, miseranda calamitas attulit,
finem imponere miseranter, ad summum hiis diebus gradum sacerdotii vos
elegit et provexit ad apicem apostolice dignitatis, suum vos in terris vicarium
|
|