Petrus de Vinea: Epistolarum libri VI

Pag 279

Tomus I


et aquae praecipue non praevisa penuria,
quam naturaliter ex fontibus rupes saxosae
negaverant, et accidentalem ex pluviis cisternarum
aedificata concavitas, in tanta copia non
habebat: quod a veris introitu, quo se munire
coeperant proditores, per totam proximam
futuram aestatem pugnantibus, et ex anxietate
pugnae sitientibus, ac copiose bibentibus, sufficere
potuisset, cujus copiam aestivi aeris violentia
subtrahebat, quam etiam si coelitus contra
suae perfidiae meritum habuissent, in tantum
conductus aquarum, et muros omnes machinae
nostrae confregerant, ut ad cisternas
transductio per canales omnimoda negaretur.
Quo factum est, ut expugnari per fidelium regnicolarum
victoriam gloriosam, qui ad vindicandum
eorum opprobrium accensi per fidem,
in expugnatione infidelium nostrorum proditorum
et castri propugnatores extraneos admittere
noluerunt: 18. praesentis mensis Julii,
factionis tam principes, quam sequaces se
paenae debitae potius, quam misericordiae tradiderunt.
Quibus omnibus praeter spem
omnium, et contra vota multorum, expeditis
celeriter, et ad votum cum divina provisio
impedimenta sustulerit, longis et callidis studiis
nostrorum processuum cursui praeparata
jam liberi reddimur, et resumpta victoria ferociores
ad nostrorum rebellium omnium,
quantumcunque recalcitrent, fine laudabili reliquias
conterendas.

Torna all'inizio