CAPITULUM XIIII
Abhinc quoque per Palestricum burgum beatus Symeon iter faciens,
quemdam leprosum reperit, cuius tugurium intrans solo manus tactu
a leprae foeditate mundavit.
CAPITULUM XV
Exinde Torniensium fines appetens, in ponte Durae fluminis caecum
obvium habuit, cui crucis signaculo oculorum lumen restituit.
CAPITULUM XVI
A Torniensi urbe cum adiunctis sibi sociis diluculo exiens, per Sigusaniam
vallem descendens ad sancti Petri coenobium, quod Lucis novae dicitur,
licet nimium fatigatus, venit. Ubi Christi famulus, diu corporea infirmitate
detentus, debilis iacuit. Cumque tribus in infirmitate decursis mensibus,
a Deo bene curatus, destinatum iter quod coeperat carpere niteretur,
ad quemdam decurrentis aquae fluvium venit, solo sibi adminiculante baculo
nullo secum comitante socio. Quem iuxta caecum quemdam cum
puero, scilicet sui ductore, sedere reperit. Quem intuitus, sic eum alloquitur,
dicens: « Nunc, frater mi karissime, lavemus manus et facies et sic
ad audiendam missam citius properamus, quatenus nostrum iter Deo ducente
|
|