20. Passio est ens, subsistens et inhaerens actioni.
21. Habitus est forma, qua subiectum induitur.
22. Situs est positio partium, recte et debite ordinatarum in
subiecto.
23. Tempus est ens, in quo entia creata sunt incepta et noua. Vel:
Tempus est ens, ex multis nunc constitutum secundum ante et
post.
24. Locus est accidens, per quod entia sunt locata. Vel: Locus est
superficies, ambiens et continens immediate partes intraneas
corporis.
25. Motus est instrumentum, cum quo mouens mouet motum.
Vel: Motus est id, quod sapit naturam principii, medii et finis.
26. Immobilitas est ens, nullum appetitum habens ad mouendum.
27.
Instinctus est figuralitas et similitudo intellectus.
28. Appetitus est forma et similitudo uoluntatis.
29. Attractio est forma, cum qua attrahens attrahit attractum.
Vel: Attractio est quaedam forma, habens instinctum et appetitum
attrahendi aliquid ad subiectum.
30. Receptio est forma, cum qua recipiens recipit receptum.
Vel: Receptio est quaedam forma, habens instinctum et appetitum
recipiendi aliquid in subiecto.
31. Phantasia est similitudo, abstracta a rebus per imaginationem.
32.
Plenitudo est forma, a uacuitate remota.
33. Diffusio est forma, cum qua diffundens diffundit diffusibile.
34. Digestio est forma, per quam digerens digerit digestibile.
35. Expulsio est forma, cum qua natura expellit ea, quae non
competunt subiecto.
36. Significatio est reuelatio secretorum, cum signo demonstratorum.
37.
Pulchritudo est quaedam forma speciosa, recepta a uisu uel
auditu uel imaginatione uel conceptu uel delectatione.
38. Nouitas est forma, ratione cuius subiectum habituatur nouis
habitibus.
39. Idea in Deo est Deus. Idea autem in creatione est creatura.
40. Mathematica est forma, cum qua intellectus humanus
denudat substantiam ab accidentibus.
|
|