Si ducis, ductus Bachus acerbus erit;
Divitis in mensa sessurus non properabis
Esse, prius manibus quam tibi detur aqua;
Causidicus sapiens quid dicere cogitat, ante
Quam tractet causas, unde decenter agat.
Cur veniam, cum magna tibi sit scire voluntas,
Pandam: tunc sapiunt pocula, quando sitis.
Sit secreta, precor, quam nunc tibi causa revelo,
Virtus consilium non reserare monet."
"Cornibus utque boves, homines sermone ligantur,
Virtutes socias sermo fidelis habet.
Amodo ne dubites, vanum depone timorem,
Secretum fido corde tenebo tuum".
"Est tibi vicinus, Paulinus nomine, qui me
Diligit et nuptam querit habere sibi.
Tempore iam longo sibi me sociare poposcit,
Verum nubendi mens michi nulla fuit.
|
|