affectat et similia. Item est sciendum quod in salutatione nomen recipientis primum debet scribi ante quam scribatur nomen mittentis, nisi quando maior mandat minori.
VI: Quid sit captatio benivolentie Benivolentiae captatio est quidam apposita verborum ordinatio recipientis animum alliciens.
VI, 1:Quot modis fiat captatio benivolentie Que fit in epistola quinque modis. Aut enim fit a persona mittentis aut a persona recipientis, aut ab utraque simul aut ab effectu rerum aut a negocio de quo agitur.
VI, 2: A persona mittentis tunc captatur benivolentia quando aliquid de ipso mittente humiliter scribit prolatum circa recipientem: taliter: Quanto cordis desiderio, quantaque mentis fidelitate vobis, pie pater, devotus et fidelis existam adhuc Domino dante operum indicis patenter vobis ostendam.
VI, 3: Item tunc captatur benivolentia a persona recipientis quando aliquid dicitur quid ad laudem recipientis spectare videtur, taliter: quante probitatis industria, quanteque industrie gloria nobilitas vestra perfulgeat id novit patria, id cognoscit populus idque rerum protestatur effectus.
VI, 4: Item captatur benivolentia ab utraque simul persona quando fit utrumque, id est quando tale [quid] dicitur quod ad laudem mittentis vel recipientis spectare videtur, hoc modo: Qua re presul amande a longo retro tempore dignitate vestre fidelis permanseram, nobilitas vestra clare cognoscit.
VI, 5: Item tunc captatur benivolentia ab effectu rerum quando talia dicuntur que ad benivolentiam applicantur ut sunt dominius servuits, paternitas filiatio, societas dilectio et similia taliter: Dignum et conveniens est, gloriosum et laudabile ut parentes suorum filiorum causas diligenter attendant et eos in scolis morari volentes nullam necessitatem pati permittant.
VI, 6: Item tunc captatur benivolentia a negotio de quo agitur quando ostenditur quid utilitatis vel incommodi negotium conferat taliter: quod quidem, si facere volueris, meum amorem semper habere valebis et iste modus debet servari in ultima parte epistole in conclusione videlicet.
VII: Quid sit narratio Narratio est expositio rerum gestarum et velud gestarum que ad commodum mittentis semper est applicanda; velud gestarum dico, id est earum rerum que possunt geri,vel fieri ad exemplar
|
|