ita, quod ipsa operum efficacia, semper in Excellentiae
nostrae oculis vos commendabiles
repraesentet.
Cap. CXX.
Quod fiat emenda militibus, qui equos et arma,
ac res alias in exercitu perdiderunt.
Milites vestri, latores praesentium, fideles
nostri, qui dudum per vos ob nostrae
reverentiam Majestatis ad nostra servitia
destinati, in eisdem servitiis fideliter permanserunt,
Excellentiae nostrae humiliter supplicarunt:
ut cum ipsi pro nobis et Communi vestro
in eisdem servitiis, in partibus Cremonensium,
contra Parmenses et alios proditores
nostros fideliter moram traherent nobiscum,
de mandato nostri culminis speciali plurima
sint, ut asserunt, gravia damna passi, tam de
equis eorum et rebus aliis amissis, quam de
destructione domorum, sumptibus propriis in
Victoriam factarum: ipsis fidelibus nostris damna
passis praefata, dignaretur nostra Serenitas
providere. Cumque eisdem fidelibus nostris,
qui circa serviria nostra multipliciter laborarunt,
obsequia ipsa damnosa esse non debeant,
sed potius fructuosa: ipsorum supplicationibus
benignius inclinati, fidelitati vestrae
praecipiendo mandamus: quatenus, si vobis
constiterit de praemissis [dummodo non repugnat
civitati vestrae statutum] in justa et convenienti
emenda equorum amissorum, et
damnorum ipsorum refectione, debeatis eisdem
fidelibus nostris resarcire ipsorum labores