Sequenti vero die Iovis in kalendis videlicet suprascripti
Marcii venerunt consules Mediolani — scilicet Otto Vicecomes,
Amizo de Porta Romana, Anselmus de Mandello, Gotifredus
Maynerius , Ardericus Cassina, Osa , Anselmus
de Orto, Aliprandus Iudex, Ardericus de Bonate — et
octo alii milites Mediolani ante dominum et serenissimum
imperatorem Fredericum in pallacio ipsius, quod est Laude,
cum spatis nudis in manibus, reddentes se imperatori in
vicem tocius civitatis eorum; et iuraverunt omnes, prout
imperatori placuit, quod parerent omnibus preceptis imperatoris
et quod facerent similiter iurare omnes cives Mediolani.
|
1
5
10
|