Adalbertus Samaritanus: Praecepta dictaminum

Pag 60


I
Si cives cum civibus, qualiter ius civile precipit,
viverent ac concordarent, honorem et statum sue civitatis
equabiliter retinerent, quod consequeretur, si in omni
utilitate ac honestate rei publice concordarent. Parmenses
igitur consules, si vos civiliter ac concorditer vitam duceretis,
sicut conveniret, honor, vigor statusque vestre civitatis in
vobis retineretur et conservaretur; quod ut sit possibile, in
nullis rebus utilibus ac honestis discordetis.
L
Grassante effrenis populi perfidia ac temeritate
sollicitatur atque confunditur vigor et religio sancte ecclesie
catholice. Perfidi enim et temerarii maioribus consentientibus
facultatem ecclesie catholice nullo modo, quippe malivoli,
cessant diripere atque invadere. Bone ergo rex, tue dignitatis
est effrenatos refrenare ac superbos humiliare, quatenus recuperata
sancte ecclesie preda totus clerus tibi servire ac pro te
orare queat.
M
Legitimum est quemque consulum iuste ac
misericorditer querentibus consulere, iniuste iniuriantibus
obviam ire atque iniuriatis misericorditer subvenire, pauperibus
iniuste dampnatis ac spoliatis in omnibus protectionem

Torna all'inizio