[22]
Idem dicimus de maistris petrarum. Et iuret rettor capellanus
observare et habere curam et studium inveniendi si plus
acceperi[n]t. Hoc faciant bandire consules super eorum sacramentum.
[23]
Et statuimus ut omnes ferrarii Pistorie iurent de cetero
non tenere securitatem in qua teneantur per sacramentum vendere
ferros vel clavos ferrorum ad certum pretium constitutum,
aut in qua teneantur non ferrare sine pretio vel ferros aut clavos
non credere; et non lucrentur de duodecina ferri nisi denarios .
XII., et sic de omnibus duodecinis. Et ferrarii accipiant
.III. denarios de ferro caballi et de clavis, et ferrent pro eodem
pretio, et non plus, nisi emptor melius ferrum voluerit. Et accipiat
de ferro asini et clavis suis, si habet ferrum sex clavellarias,
hoc idem faciant et accipiant. Item hoc idem faciant et de
ferro muli. Si vero ferrum habuerit .IIII. clavellarias, tunc accipiat
inde ferrarius denarios .II., et ferret pro eodem pretio, et
non plus, et de suo ferro et de suis clavis. Si autem ferrarius
fecerit ferrum non de suo ferro, tunc accipiat pro factura et
ferratura unum denarium et dimidium, et non plus. Et si ferraverit
ferrarius caballum seu mulum non de suo ferro et non de
suis clavis, tunc debet ferrare duos pedes cavalli pro uno denario.
Et si non de suo ferro set de suis clavis, tunc accipiat
unum denarium de pede, et ferrarius non falsaverit ferrum.
|
|