IN his vero terris, quas consignaverat venerabilis abbas Leo, homines
constituit de diversis locis, qui predictas terras excolerent,
et debitum censum monasterio singulis annis persolverent
per hoc scriptum.
IN nomine domini nostri Iesu Christi Dei eterni. Decimo
anno principatus domni Landulfi gloriosi principis, et .VII. anno
principatus domni Pandulfi filii eius, mense ianuario, .VIII. indiccione.
Ideoque nos Leo, in Dei nomine abbas monasterii Sancti
Vincencii, sito supra Vulturni fluminis fonte, manifestum facimus
quoniam supradictum nostrum monasterium per plurima loca copiosas
habet substancias, inter quas eciam habemus unam ecclesiam
vocabulo Sancte Marie, que nuncupatur ad Olivetum, in finibus
Benafro,cum omnibus territoriis ad eandem ecclesiam pertinentibus,
pertinentes eidem nostro monasterio, a fine Benafro in fluvio Vulturno,
et a fine monte Tauri usque ad ipsum Sextum, que Iohannes,
et Toti filii Toti, Leo presbiter, Iohannes, Aifrit, et Petrus filii
Iohannis, Rodelando et Dominicus filii Teoderici, et Ursus filius
Luponi, et Martinus filius Leonis, Dominicus, Aiprando, Amalfrit,
et Iohannes clericus germani filii Aifrint volunt a nobis per
convenienciam libellario ordine tenere et laborare et excolere; inter
nos, et eos amodo et usque dum illi et sui heredes ibidem habitare
|
|