Cap. XIX.
Eidem, ut manuteneat et defendat illos
quos et quorum bona, super protectione Imperiali
susceperat.
Vocatus ad praesentiam nostram magister
Petrus de Vineis pro instantibus Excellentiae
nostrae servitiis, quae personam suam
specialiter exigebant, domesticas et festivas
primitias nuptiarum, mandatis parendo dominicis,
interrupit. Cumque domum suam et
consortis suae novae constantiam, cujus erat
in suo pectore cura major, dum custodes incertos
et incognitos hospites nollet ad hoc, vel
potius dubitaret admittere, et socrui suae, de
qua prae caeteris considebat specialiter, et fiducialiter
commisisset. Quae licet in totum virilem
supplere non possit absentiam, nihilominus
tamen, ne abinde discedat, dictus magister
nostro culmini supplicavit, ut domum et
filios socrus ipsius, quos ex causa praedicta deseruit,
sub nostra protectione recipi mandaremus.
Cujus supplicationibus inclinati, fidelitati
tuae praecipiendo mandamus, quatenus
domum, terram, et filios mulieris ipsius non
permittas ab aliquo molestari, sed ipsos in eorum
viribus, autoritate nostri culminis, manuteneas
et defendas.
Cap. XX.
Constitutio contra devastantes hortos et vineas.
Multum nostris derogatur affectibus, si
justitiae limitem, cujus nos subditos debitores