quia juvenis mulier ex sene homine solet
concipere.
37. AUGUST. ( in Epist. ad Gal. ) Unum quidem . Agar
populum Veteris Testamenti propter jugum observationum,
Isaac natus de libera per repromissionem
populum Novi Testamenti significat. Senectus autem
parentum Isaac ad eadem significationem valet, quoniam
populus Novi Testamenti, quamvis sit novus,
praedestinatio tamen ejus apud Deum, et ipsa Jerusalem
coelestis antiqua est.
38. AMBROS. Quae est Agar . Agar ancilla, pariens
secundum usum naturae, significat legem, quam tenere
habent qui in hac vita nascuntur secundum sequentiam
naturae, qui etiam sub lege versabantur in
ordine servorum; Sara autem, quae per gratiam peperit,
illos qui in Christo resurrexisse videntur per
gratiam, qui etiam praeter spem naturae secundam
exspectant nativitatem, quibus jam circumcisio, et
oblatio sacrificiorum supervacua est.
39. Sina enim mons est . Arabia antiquis temporibus,
non illa quae nunc nominatur, sola erat; sed
et solitudo et pars non modica Aegypti, ubi est
mons Sina, in quo data est lex. Unde et fuerat
Agar, quae significat Vetus Testamentum, quae generat
in servitutem, quae etiam conjungitur per significationem
ei Jerusalem quae est in hoc saeculo, in
qua testamenti legitima impletur.
40. LANFR. Qui conjunctus est ei , id est, ex honore
ejus est. Vel quae Agar conjuncta est, id est,
Vetus Testamentum conjungitur Novo, et servit,
quia in hac praesenti vita servit Ecclesia. Vel servit
conjuncta ei quae nunc est Jerusalem, id est, legis
carnalia tenens in Jerusalem. Vel modo est conjuncta
Ecclesiae, et prius serviit sub lege.
41. Servit cum filiis . Servire dicit terrenam Jerusalem,
vel sub carnali lege, quae timore mortis
cogebat vel sub jugo Romani imperii.
42. Illa autem quae sursum est Jerusalem libera
est , id est, Sara signat Jerusalem coelestem, quae est
|
|