14
G. episcopus Iohanni Ravennati episcopo.
Pervenit ad me, quod in ecclesiis fraternitatis tue aliqua loca
dudum monasteriis consecrata nunc habitacula clericorum aut laicorum
facta sunt, dumque hi, qui in ecclesiis sunt, fingunt se religiose vivere,
monasteriis preponi appetunt et per eorum vitam monasteria destruuntur.
Nemo etenim potest et ecclesiasticis obsequiis deservire et in
monachica regula ordinate persistere, ut ipse districtionem monasterii
teneat, qui cottidie in ministerio ecclesiastico cogitur permanere. Proinde
fraternitas tua hoc quolibet in loco factum est emendare festinet, quia
ego nullomodo patiar loca sacra ut pro clericorum ambitu destruatur.
15
P. episcopus servus servorum Dei V. Bononiensi episcopo.
Agnes uxor Urbani conquesta est virum suum contra voluntatem
suam in monasterio sancti Proculi esse conversum. Quapropter
experientie tue precipimus, ut diligenti inquisitione discutiat,
|
|