Mediolanenses autem similiter et ipsi unam cuppam auream
et ex denariis plenam ipsi regi portaverunt, quatenus ipsam
gratiam suam et bonam voluntatem recuperarent; quamvis
hoc facere minime potuerunt. Cremonenses quoque ac Papienses
et ipsi sua munera regi offerentes et privatim Mediolanenses
inculpantes ac pro ipsis Laudensibus sepe regem deprecantes
ipsum regem infestum esse Mediolanensibus reddebant.
Rex itaque suos legatos per Alamaniam, Saxoniam, Provinciam,
Burgondiam, Longobardiam, Tusciam, Romaniam
et per universum Romanum imperium misit, iubens archiepiscopis,
episcopis, abbatibus, comitibus, marchionibus, ducibus
ac universis aliis predictarum provinciarum principibus,
quatenus ipsi cum sius militibus, prout honorifice possent,
de inde usque ad festivitatem sancti Michaelis proxime venientis
et unum annum cum ipso in Longobardia in Ronchalia
essent; que res Deo annuente, sicut iussit, ita bene
peracta est.
|
1
5
10
15
|