31. In Capitolio fuerunt imagines fusiles omnium regum
Troianorum et imperatorum. Capitolium erat caput mundi, ubi
consules et senatores morabantur ad gubernandum orbem. Cuius
facies cooperta erat muris altis et firmis, super fastigium montis,
vitro et auro undique coopertis et miris operibus laqueatis, ut
esset speculum omnibus gentibus. In summitate arcis, super
porticum Crinorum, fuit templum Iovis et Monetae, in quo erat
aurea statua Iovis, sedens in aureo trono. In Tarpeio templum
Asilum, ubi interfectus est Iulius Caesar a senatu.
|
|