Cui placent redundantes caritate gemina
Et humilitatis ruri sua dantes semina,
Holofernem iugulandum prescivit a femina.
Nabuchodonum in summis euntem articulis
Procul cernens dedit pessum Senahar de titulis;
Septem fecit hunc silvanum annorum curriculis.
Qui pro nobis coram Anna toleravit alapas,
Aman, regis Assueri princeps super satrapas,
Longe vidit te apensum sicut latro Gammatras.
Benedictus sit creator semper et laudabilis,
Qui in cęlo et in terra apparet mirabilis
Et terribilis perversis rectisque placabilis.
Priusquam fieret mundus, Folleprandus visus est
Et in finem seculorum primus antichristus est;
Omnium herrorum caput a Behemoth factus est.
Vicia coadunata in uno collegio
Fece scismatis hunc replent, non legis pulegio;
Vas fetoris mancipatum vocaverunt Legio .
|
|