4. In hora, quando Iesus Christus dominus
nasci dignatus est sacra de Virgine,
dulcis, suauis ac desiderabilis,
Bethleem in orbe.
5. Angusti cunas pertulit presepii,
feno iacere non abhorret dominus,
summa qui patris sedebat in dextera,
rex angelorum.
6. Pannis uelatus, uili strictus fascia,
inclusus paruis lacrimabat cunulis.
mater beata sancta premit ubera
de caelo plena.
7. Sanctus sacratae fecundauit spiritus
uirginis uuluam, uerbum caro factum est,
et habitauit in nobis omnipotens
filius dei.
8. Gabrihel ante predixit archangelus,
quando felicem salutauit uirginem:
“Paries” inquit “filium, Emmanuhel
nomen habebit.”
9. Pastores erant proximis in pascuis,
Bethleem ad urbem noctis sub silentio
instabant suas supra greges uigiles,
o quam beati.
10. Claritas dei cincxit illos fulgida,
angelus inquit: “Nolite pauescere,
en ego modo magnum namque gaudium
nuntio uobis,
|
|