[Liber V]
1. Quoniam in prima fronte presentis opusculi nostri temporis
gesta sum narrare pollicitus, absque mendacii nota
silere non valeo, presertim cum sciam lege cautum esse
Mosayca: Si nolueris polliceri, absque peccato eris. Quod
autem promissum est semel a te, observabis et facies . Ut autem
recto narrationis incedam tramite, neccesse est res gestas,
prout sunt, ordinate describere.
2. Predictis igitur rebus non plane compositis, sed involutis
utcumque, sepe iam dicti Mediolanenses pro petendo episcopo
ultra montes Heinrico regi legationem dirrigunt mandantes
Arlembaldice interfectionis triumphum. Quo cognito
letatus est rex ille supra modum, quemcumque vellent, se
daturum promittens episcopum.
3. Erat tunc temporis inter regem et Saxones lis acerrima
valde, cuius ratio non est nostro discutienda iuditio. Veruntamen
|
|