complere horrea, qui scire potuerunt prolixa constringere
et brevia extendere. Ideoque necesse est legere,
nam studio sapientia crescit, eadem negligentia
decrescit.
G
Primum ergo modum similitudinis
animadverte.
Ubicumque est amicitia, ibi est benivolentia; ut enim
malivolentia inimicitie, ita benivolentia consequens est amicitie.
Quocirca P., si meus vis esse amicus, consequitur, ut
erga me sis benivolus, quia sicut aliquis alicui minime inimicus
esse invenitur sine malivolentia, ita tu sine benivolentia mihi
amicari non potes. Igitur, ut amici habeamur, benivoli inveniamur.
H
Quanto quisque est ditior atque potentior, tanto
debet esse humilior propheta testante, qui ait: Quanto
magnus es, humilia te in omnibus . Quapropter G., Romane
apostolice, in quantum omnibus Christianis sublimior es
effectus, eo in cunctis magis humiliare te convenit dicente
Domino: Discite a me, quia mitis sum et humilis .
|
|