usibus, juribus, patronatibus ecclesiarum
vacantium, et non vacantium, terris cultis,
et non cultis, aquis, et aquarum decursibus,
molendinis, piscariis, sylvis, nemoribus,
venationibus, montibus, planis, vallibus,
justitiis et rationibus, sibi et haeredibus
suis in perpetuum, de speciali gratia et ex certa
scientia nostra damus, concedimus, et etiam
confirmamus: inhibentes et perpetuum silentium
imponentes omnibus, qui comitatus
praedictos vel partem eorum [ad se vellent dicere
pertinere, occasione, quod eos, vel partem
ipsorum] tam ipsi quam praedecessores
eorum, aliquo tempore tenuissent.
Cap. IX.
Privilegium concessum de constructione Aquilae.
Regnantibus nobis feliciter, et triumphantibus
ac victoriose degentibus in haereditario
regno nostro Siciliae, illud occurrit
praecipue provida deliberatione pensandum,
qualiter utrumque tempus, pacis videlicet et
bellorum, sub ditione nostrae potentiae salubriter
dirigatur: et quomodo subactis jam undique
rebellionis obstaculis, id quod bellico sudore
quaesivimus, in statu pacifico gubernemus:
amatoresque pacis sub umbra alarum nostrarum
vivere cupientes, foveamus salubrirer, et
nostrae potentiae dextera protegamus: ac gladius
noster, quem ad vindictam malorum, ad
laudem vero bonorum suscepimus, in facinorosos