nem sancti Spiritus, per quam praesciebat quid de
hoc et de caeteris esset acturus.
13. Presbyteri . Presbyteri pro presbyterorum;
pauciores enim tribus esse non possunt, et vocat
presbyterum episcopum
14. Attende , id est considera qualiter vivas, et
qualiter doceas.
CAP. V.—1. AMBROS. Seniorem ne increpaveris .
Vult dicere: Nulli invehas te, neque sis acerbus aut
amarus.
2. LANFR. Seniorem . Non tantum aetate quantum
moribus seniorem oportet hic intelligi; de qua senectute
Salomon dicit: Cani sunt sensus hominis, et
aetas senectutis, vita immaculata .
3. Castitate . In alloquio juvencularum, rectissime
juvenis de omni castitate admonetur, ut nec saltem
minima titillatione moveatur.
4. AMBROS. Viduas honora , id est, ecclesiasticis
bonis ale.
5. Discat . De filiis ac nepotibus dixit, non de
viduis.
6. LANFR. Parentibus . Parentes vocat, quos superius
filios et nepotes vocavit. Tota progenies parentela
dicitur; unde et in mundana lege parenti et a
parente jam succedere jubentur, quibus mutuam vicem
reddere, et in servitutis [ f ., senectute, vel servitiis]
eorum subsidia et adminicula rependere.
7. Quae vere vidua . Vere vidua est, quae et moribus
ornata est, et neminem habet qui [ f ., cui] diligentiam
adhibeat.
|
|