INCIPIT LIBER QUARTUS.
CAP. XXX.
AMMONITIO AD TEODALDUM
ARCHIEPISCOPUM.
NON HABENTES cor virile dicendi sunt feminę,
Timidi sine timore, notho nati semine,
Fugitivi velut damę persequente nemine.
Facti sunt per totum orbem at at interiectio.
Et proverbium et risus et
plebis abiectio .
Per conventus populorum legitur hec lectio.
Vos, qui estis vere viri, respicite secula;
Segregate dignos laude ab infusis nebula.
Istos sepelit abyssus, erigit hos specula.
Non ignavis terga dentur, demonstrate faciem;
Ordinate contra tales terribilem aciem;
Qui videntur sibi pingues, vertantur in maciem.