succedentibus nobis ad votum, jam ad
iter accincti quod praedictus [comes
Sabaudiae, et Delphinus] comes Viennae,
dilectus consanguineus et affinis noster,
ac fideles alii, ad pedes nostros humili devotione
prostrati, per terras suas iter nobis
per opportunum paraverant, et necessariis omnibus
effecerant copiosum, qui cum repente fortunam
Caesaream constitit processisse, quae nunc
demum nobiscum gloriosius provenit,
cum nobiscum primo de qualibet conditione
contenderit, se processibus nostris circa radices
alpium, in ipso Lugdunensi itineris objecit
ingressu, rumoris inopinati de Parmae
fiducia rebellionis nuncium proferens, quam
ejectorum dudum per nefariae proditionis
offensam, infidelium repentinus incursus
mediantibus fraudis intestinae suffragiis, occupavit.
Praebentes igirur necessarium firmato
viae nostrae processui modici temporis intervallum,
in obsidionem Parmae victricia signa
nostra convertimus, totius in ea bellum Liguriae,
quod latenter hactenus nutriebat, pro
voto fidelium potentissime paraturi, nec
est etenim habilis resistentiae locus, quem
murorum non munit ambitus, aut concavitas
fossatorum, et quem necessariorum habilitas
copiosa non replet: cum propter subiti casus