25. Cur dicis, alta Dei sapiencia,
hanc esse tibi potestatem traditam,
quam semper habes cum patre consimilem,
datam sed carnis per naturam subditam,
de matre sancta quam uenisti sumere?
26. A patre data non creditur aliter
gignendo nisi modo ineffabili,
nam semper aequa, semper compar gloria
patri tibique sanctoque spiritui
manet, potestas, uirtus, laus, imperium.
27. Spirans in eis insufflauit protinus,
“Sancturm” profatur “accipite spiritum.
Peccata quorum commissa dimittitis,
erunt remissa, quorumque tenebitis,
erunt retenta.” His preceptis addidit:
28. “Nunc ite, cunctas per mundum celeriter
gentes docete, Iordanis sub gurgite
in patris adque filii et spiritus
sancti lauate nomine, praecipite
mundum seruare lauacri misterium.
29. Docete cuncta seruare ruricolas,
precepta uobis que mandaui lucida,
quo tendit orbis quattuor ad angulos.
En ego cunctis sum uobiscum diebus,
quousque saecli fiat consummacio.”
|
|