vero nunc Deo non placet, tantum concisio est.
6. LANFR. Videte circumcisionem . Quidam enim
cum non essent Judaei, circumcidebantur, et post
jactabant se esse ex genere Abrahae.
7. Nos enim . Ratio cur illi sunt cavendi, et apostoli
audiendi, quia videlicet illi carnalem, isti spiritualem
circumcisionem praedicabant.
8. AUGUST. (lib. De ver. apost . serm. XV, c. 1,
tom. X.) Nos enim sumus . Sed nos sumus circumcisio:
sic accipite hoc voluisse Apostolum dicere,
sumus nos justitia. Circumcisio enim justitia est.
Magis enim commendat quod dicit, dicendo nos esse
justitiam, quam dicendo nos esse justos: sic tamen
ut cum justitiam dicit esse, justos intelligamus.
9. ( Ibid ., c. 3) Ex genere Israel , id est, non proselytus,
non advena ad populum Dei, non major
circumcisus, sed a parentibus natus Judaeus, habeo
circumcisionem octavi diei.
10. ( Ibid .) Secundum legem Pharisaeorum . Primarii
quidam erant, et quasi ad nobilitatem Judaicam
segregati, non contemptibili plebi commisti, qui
dicebantur Pharisaei. Nam dicitur hoc verbum quasi
segregationem interpretari, quomodo in Latina
lingua dicitur egregius quasi a grege separatus.
11. LANFR. Sed quae fuerunt . Carnales observationes,
quae ante adventum Christi animarum fuerunt
lucra, servatae post adventum ejus, fuerunt
detrimenta; fides enim Christi observari eas non
|
|