porrigo preces, quatenus, si placet, ipsum dura castigatione prematis
ad tam efficacem in litterali studio curam et sollicitudinem exhibendam,
ut, Eius gratia mediante, que bonis adicit meliora, filius subveniat
voto patris. Vobis enim integre, qualibet dubitatione sublata, quicquid
merces vestra poposcerit, erogabo.
… amico amicus.
Paucis utor, dum in paucis comprehendere multa vos autumo et pauca
vobis sufficere sapienti, prompta prece devotionis exposcens, quatenus …
latorem presentium habere velitis sub vestre doctrine ferula commendatum,
ut effectu precaminum me vobis per ea obligetis ad grates.
Capitulo Aquinati episcopus Litterensis.
Lugubris casus discrimine, qui nuper in patris obitu filiorum pectora
perculit, tamquam cautela salubris antidoti compassiva vobis epistola mittitur,
|
|