corrigere cupiunt, et horum contumaciam videtur
significasse.
10. Rogamus vos . Ad doctores vertit sermonem:
necessarium enim erat et hos exhortari, ut non
discederent ab opere propter quorumdam
contumaciam
11. AUGUST. ( lib. De corrept. et grat ., cap. 16, t. VII).
Corripite inquietos . Ubi intelligendum est tunc potius
malum pro malo reddi, si corripiendus non corripitur,
sed prava dissimulatione negligitur.
12. LANFR. Videte ne quis malum . Malum pro
malo reddit qui quem corrigere potest impunitum
dimittit.
13. AMBROS. Semper gaudete , id est, pro omnibus
tristitiis quae vobis accidunt.
14. AUGUST. ( lib. De haeresib. ad Quodvultdeus ,
haeres 57, tom. VI.) Sine intermissione . Dominus
ait: Oportet semper orare, et non deficere . Et Apostolus:
Sine intermissione orate . Quod sanissime
accipitur sic ut nullo die intermittantur certa tempora
orandi.
15. AUGUST. ( lib. Sent. Prosp ., sent. 3, tom. III).
Gratias agite . Vera fidelium humilitas est in nullo superbire,
in nullo murmurare, nec ingratum esse, ne
querulum, sed in omnibus judiciis gratias Deo agere,
Dominumque laudare, cujus omnia opera aut justa
sunt, aut benigna.
16. AMBROS. Spiritum nolite . Apud Thessalonicenses
quidam erant qui non suscipiebant ea quae
|
|