quam tanti doloris pabulo gubernari, vel salutem et inter tot anhelitus
et singultus qualia sencio suppositam resentire.
12. Responsiva replicata
Suavissimo sibi omnis placabilitatis perameno .B. .M. salutem et non
dolorum aculeis, sed amoris semper dulcoribus refoveri.
13. Amatoris ad dominam post altercacionem, ut faciat pacem
Dulcissime sue et utinam sue domine .M. .B. tristis pernimium, vel
amoris sibi reddere antiqua solacia, vel ipsum pati mori inter amarissima
pocula lacrimarum.
14. Responsiva quod vult reddere graciam et amorem
Cordis ct corporis sibi intimo et astricto .B. .M. se totam et pristine
benivolencie graciam.
15. De amatore turbato ad dominam cum querela
Margarite Bernardus illam salutem quam meruit mulier infidelis;
vel sic: False ac proditrici mulieri .M. .B. se promptum eiusdem falsi
effectus sibi reddere plenas vices.
16. Responsiva cum reconciliacione
Flagranciori balsamo et muscatis anime sue .B. .M. salutem et quidquid
gaudia pariunt delicata, vel sue spei suoque solacio domine .M. .B.
salutem et pro pace firmanda oris et ad os osculum diu tentum.
Et hic liber secundus, valde fatigatus in itinere, conquiescit.
|
|