sed etiam omnis mundus apostolici pręsulis magisterium observat
et impositum modum. nec enim congruit totius orbis speculum,
quod est pręsul apostolicus, humano pulvere sordescere,
et curis mundo militantium avidius incumbere, quia scriptum
est: « Omnis pontifex ex hominibus assumptus pro hominibus
constituitur in his quę sunt ad Deum ». ergo ipse pastor
est animarum, ipse doctor fidei electorum, ipse caput omnium
ecclesiarum, in his tamen rebus et causis, non quę sunt ad seculum
sed quę ad Deum. non enim claves terrę seu regni
terrestris sed claves regni cęlorum concessit illi omnium Pastor
pastorum, ut quę solvenda sunt in cęlo solvantur et in terra ab
eo, et quę sunt in celo liganda ligentur et ab ipso in terra
Sed iam redeamus ad nostri libertatem monasterii perfectam,
et a plurimis orthodoxis summisque pontificibus et imperatoribus
ac regibus catholicis ostendamus illam nobis nostrisque antecessoribus
incunctanter fuisse concessam, et in perpetuum fore permanendam.
itaque Karolus imperator monasterium hoc Sancte
Dei genitricis et semper virginis Marię sub imperiali tuitione
sive defensione sicut antea reges egerant Longobardorum recepit,
eumque quietum et liberrimum ab omnis occasionis condicione
per suorum paginas pręceptorum in omnibus acquisitis rebus et
acquirendis perenniter fore sancivit. pontifices etiam apostolicę
Sedis vere catholici et pastores totiusque orbis ecclesiarum patres,
idest Iohannes sextus, Paulus, Adrianus, Stephanus quartus,
Paschalis primus, Benedictus octavus, Lco Magnus Teutonicus,
et Nicolaus secundus, providentiam habentes pastoralem et sicut
misericordes patres verique doctores curam spiritualiter habentes
suorum filiorum et maxime domesticorum, huius sancti monasterii
|
|