laudibus decorato, B. eadem gratia illustris rex Ungarie» vel
«alme urbis Senator illustris, salutem, et optata semper felicitate
beari» vel «salutem et amoris perpetui firmitatem» vel
«salutem et totius altitudinis incrementum». Duces sic inter
se scribunt: «Magnifico et potenti domino G. illustri duci
Spoleti quem ubique terrarum proprie bonitatis merita recommendant,
A. illustris dux Austrie salutem, et de inimicis triumphum».
Marchiones sic inter se scribunt: «Inclito et preclaro
viro domino I. excelso marchioni Montis ferrati quem
fama commendat et gloria militaris, V. Estensis et Anconitanus
marchio salutem et prospera prosperis cumulare».
Comites inter se sic: «Magnifico et potenti viro
domino Guidoni de Tuscia honoratissimo comiti palatino, quem
decus exornat, fama, liberalitas, probitas et curialitas approbata,
Iohannes de Gavinana comes Romaniole salutem et
cuncta que desiderat optinere». Et sic scribunt sibi magni
et potentes viri et mundi principes, et barones magni subditis:
«F. Dei gratia rex illustris Francorum» vel «talis dux,
marchio, comes «aut» princeps, I. de tali loco suo fideli salutem
et suam bonam voluntatem».
XXXVIII.
De militibus inter se.
«Inclito et potenti» vel «nobili et illustri» vel «magnifico
et preclaro ac strenuo militi, domino Salinguerre Ferrariensi
multa discretione conspicuo et dignis laudibus commendato»
vel «nobili et prudenti viro domino Rolando honorato
militi Mutine» vel «multa laude et honore digno
vel quem fama militaris decorat, et gloria recommendat,
|
|