In nomine Domini amen. Anno nativitatis eiusdem millesimo
tercentesimo vigesimo primo, indictione quarta, die quartodecima
Ianuarii: in Valle Diverii, videlicet in sosta comunis
dictae vallis in quo loco consueverunt fieri et celebrari consilia
credentiae; ibi congregato et convocato generali consilio
et credentia valiis praedictae, voce propria et sono campanae
more solito, de mandato providorum virorum Gulielmi de Rossis,
Guido Bono de Dugrogna et Delayoli de la Valeggia Consulum
dictae Vallis Diverii. In quo quidem consilio et credentia
aderant praedicti consules et infrascripti credentiarii
et consiliarii qui sunt due partes totius generalis consilii praedictae
Vallis Diverii. Quorum consulum et credentiorum nomina
sunt haec: In primis Prevanzalus de Dugrogna, Jacobus
Pingerolus, Petrus Bono de Dugrona, Zanolus Trivella de Gattagna,
Zaninus de Turre, Iacobus de Dugrogna, Zaninus de
Fontana, Iacomolus de Boello, Anselmus de Bertonis, Guilielmus
de Catagna, Minolus Davrinus de Salla, Iacobus dictus clericus
de Giorzio, Minolus de Martio de Durogna, Antonius Pingierali,
Ioannes Guideti de Durogna, Ferinus dictus Vicenus
de Bighelvo, Perinus Gulielmi de Catagna, Otinus de Ardignago,
Mollus de Ronchis, Georgius de Rossis, Marinus Raimundi
de Bertonis, Utinus Auricii et Charentius Vindemiae omnes suprascripti
consules credentiarii et consiliarii praedictae Vallis
Diverii habentes totam banliam et autoritatem statuerunt et
omnia alia facienda quemadmodum habet tota universitas dictae
valiis Diverii. Idcirco omnes dicti consules una cum dictis
credentiariis et consiliariis unanimiter et concorditer, nemine
ipsorum discrepante, volentes utilitati dictae vallis providere
ad honorem omnipotentis Dei et Beatae Mariae Virginis et
Beati Georgii Martiris et totius Curiae celestis et ad bonum et
pacificum statum comunitatis dictae vallis Diverii, nomine et
vice comunitatis et universitatis dictae vallis Diverii, provederunt
et ordinaverunt, statuerunt et compilaverunt infrascripta
statuta et ordinamenta prout inferius continentur.
|
|