7. INTELLECTIO
Intellectio est cum pars pro toto accipitur
vel e contrario, ut: Anime filiorum Israel intraverunt
Egiptum , idest « ipsi filii »; et: Hic situs Pheton , idest
« corpus Phetontis ».
Idem vocatur sinedoche .
8. ABUSIO
Abusio est que pro verbo certo et proprio
utitur simili et propinquo, ut: Vires breves, parva statura,
longum consilium; oratio magna, parvus sermo ;
et si hospitium dicas « domum »;
et vocatur cataclisis .
9. TRANSLATIO
Translatio est cum verbum ex sua significatione,
interveniente idonea similitudine, in aliam rem
tranfertur, ut: Pratum ridet ; et: Litus aratur ;
et vocatur iste color metaphora .
10. PERMUTATIO
Permutatio est oratio aliud verbis, aliud
sententia demonstrans, ut: David superavit Goliam ,
idest « Christus diabolum »;
et dicitur allegoria .
|
|