XLVIIII.
Responsiva ad predictam.
Gaudemus super eo quod vestrarum litterarum series
demonstravit, quod talem habere potestis dominam in uxorem,
que sic dives est, curialis, nobilis et formosa, quod vestre
multum congruet probitati. Quare dilectioni vestre consulimus
et firmiter suademus, quatenus cum ea fiducialiter in Christi
nomine matrimonium contrahatis, scientes quod non solum in
vicinia rostra, sed per totam terram adeo magnum pretium
et nomen laudabile acquisivit, quod ex ea quilibet honorabilis
vir et potens esset magnifice uxoratus.
L.
Littere inimicorum fabricate sub nomine amicorum.
Peramando fratri, consanguineo, amico et vicino super
omnia honorando domino B. Mutine commoranti, S. et V.
fratres cum omnibus consanguineis et amicis salutem cum
desiderio revidendi. Respexit Dominus preces nostras de
sede glorie sue, que sine intermissione pro vestra persona
fiebant ei; et, ipsius prestante gratia, taliter in rebus laboravimus
et personis, quod nostrum est gaudium et desiderium
adimpletum. Nam ab inimicis vestris, tam vestro quam
nostro nomine pacis osculo nunc recepto, de banno in quo
eratis communitas Florentie vos extraxit. Quapropter vos
propensius rogitamus, quatenus visis litteris presentibus, curetis
ad propria festinare, scientes quod de vestra reversione gloriabitur
populus universus.
LI.
Littere de cognita falsitate.
Parcit Deus peccantibus et non continuo properat ad
vindictam: quia si statim puniret, cui parceret postea non
|
|