manducat et bibit sibi iudicium, non salutem Ecce, te nunc blande
monemus quod, si per successum temporis te in mellus dignioris vite
merita non mutant, apponemus siquidem gladium duriorem.
8. De canonico ad canonicos pro eleccione cuiusdam in plebanum
Vacat plebs Sancti Laurencii, quam ultra debitum vacasse perpendimus,
novo noviter reformanda pastore. Unde, cum ad presens circa
eleccionem novi rectoris supersedere vos deceat, vobis tamquam fidis
et intimis porrigimus cum instanti prece consilium quatenus dominum
Philippum, cappellanum maioris ecclesie, velitis eligere in dicte plebis
dominum et plebanum. Nam firme gerimus de superno Auctore fiduciam
quod sic bene, sic probe tractabitur dicta plebs ab eo, quod
ad votum, et gentibus premium consequetur.
9. Responsiva. quod cogitabunt
Super nostre plebis eligendo plebano, suam nobis Deo donante
graciam, tanta fide proponimus tantaque cura persistere, quod in
Dei honorem et ipsius commodum redundabit, et fortassis, nisi aliud
supervenerit obstaculum, illum quem cupitis eligimus.
Capitulum III
DE NARRACIONIBUS AD RELIGIOSOS, FRATRES, MONACHOS ET MONIALES
1. De religioso temptato de peccato carnis, ad quemdam sanctum patrem
in heremo
Quoniam angelus Sathane transfert se nonnumquam in angelum
lucis ut, quod non potest aperta facie demoliri, conetur sub bona specie
palliare, ideoque, pater sancte, noveris quod mea navis posita est sub
repentis temptacionis unda, ita ut vix possum debilitato fortitudinis
remige gubernare. Succurre igitur, pater, periclitanti et mitte aliquod
confortacionis antidotum, antequam pirata crudelis disperacionis
et mortis me subtrahat in profundum.
2. Resposiva confortatoria, et primo auctoritates Sacre Scripture
Solum in adversis fortitudo consistit, et, adversitate cessante, hasta
fortitudinis torpet et subtrahit suas vires. Exinde Apostolus, sciens
quod virtus in infirmitate perficitur libenter, se dicit in infirmitatibus
gloriari. Vadat ergo Sathanas tortuosus, qui ea que sunt Dei non sapit.
An forsan ignoras quod vincenti datur edere lignum vite, et e contra
|
|