coronatus. Qui cum ante receptam coronam pape promisisset, quod senatores nouiter creatos
deponeret, Urbem et regalia beati Petri in illius potestate redigeret, post perceptionem corone
circa Urbem aliquantulum demoratus, in Alamanniam rediit. Papa uero sua promissione
frustratus, congregato exercitu cum Robberto Capuano principe et Andrea de
Rupe-canina Terram Laboris ingressus, eam uiolenter optinuit et a Beneuentanis est cum
honore receptus. Interea Emmanuel Constantinopolitanus imperator, inuenta oportunitate,
quod de iniuriis sibi a rege Rogerio illatis uindicaret in filium, Paliologo uirum quendam
nobilem cum multa pecunia ad comitem Robbertum et barones Apulie transmisit, ut de ea
milites retinerent, et W[illelmo] regi guerram inferrent. Misit etiam Comminianum Sebastum
et alios potentes uiros cum suo stolio, qui uenientes Brundusium ceperunt preter castrum
in quo regis militia se recepit. Barum autem et relique ciuitates maritime Grecis et
comiti Robberto adheserunt. Sicque factum est, quod partim a Robberto Capuano principe,
partim a comite Robberto tota terra occupata est preter Neapolim Amalfiam Salernum
Troiam et Melfiam et quasdam alias ciuitates et castra munita. Quo cognito rex W[ilhelmus],
prout melius potuit per mare et terram congregauit exercitum, et recto itinere Brundusium
uenit. In quo Sebastum et Cominianum et reliquos potentes Grecorum cum multo
excercitu et stolio congregatos inuenit, qui castrum Brundusii et gentem regis uehementer
impugnabant. Comes autem Robbertus, aduentu regis cognito, Brundusium reliquit et
Beneuentum se contulit. Rex vero W[ilhelmus] per mare et per terram Brundusium potenter
obsedit, et per mare et terram uiriliter impugnando, in ore gladii debellauit, cepit Grecorum
|
|