Cap. XVI.
Regi Anglorum narrans ei, quod non potuit
obtinere pacem cum domino Papa.
Quantum et aequaliter hactenus pro
generali bono Christianae fidei, Terrae
sanctae praecipue, ad cujus recuperationem
universorum Christianorum, sed praecipue
regum et principum vota suspirant ad
pacis universaliter expectatae dulcedinem, inter
nos et istum, et alios Ecclesiae Romanae pontifices
procurandam, humilitatis nostrae
colla submisimus, Serenitatem vestram scire
jam credimus, nec mundus ignorat. Volumus
siquidem pacem reverenter expetere,
ne in mundim grassari dissidiis videamur. Volumus
illum antiquum serpentem patientia
nostra temperare, et rigorem quem nonnullos
progenitores nostros divos Romanos
Augustos in similibus novimus habuisse,
moderari. Nuper ad requisitionem
et preces illustris regis Francorum dilecti amici
nostri, quem in Terrae sanctae subsidium
personaliter et instanter accinctum percepimus,
desperatum quodammodo pacis negotium