XIV. – DE NON FACIENDO DAMNUM IN GAZIIS.
Item statuerunt et ordinaverunt quod aliqua persona undecumque
sit non possit ducere nec duci facere, modere vel modi
facere aliquod lignum extra gazum de Gorta et valle de Cugois
extra, nec in territorio de brogio dictae vallis Diverii intra infrascriptas
coherentias, videlicet ab oro de valcrosa inforis, a
crupo bello in intus, a sada de saxis et ab oro de la fragia infra,
et a via de lei sursum, nec in territorio de ruina, videlicet ab
oro castagnari intus et ab oro de la cresta in foris, a drenza
infra et a catagna sursum, nec in territoriis de bellanchis et de
segoziis videlicet usque ad Astalum, reservatis brinzolis, scopis
tortis et fraschis gratarum. Et qui contrafecerit vel venerit det
et solvat dicto comuni pro poena et bano soldos quinque imperiales
pro qualibet persona et vice et qualibet planta, et quilibet
fide dignus possit accusare.
XV. – DE NON PONENDO CORIA IN RIDO DE VARZIO.
Item statuerunt quod aliqua persona undecumque sit non
ponat nec ponere debeat coria abluenda et mollificanda in rivo
de Varzio a molendino de Sezalo sursum, neque in fonte loci
de fontana a fondo ville fontane insursum, neque in rugia pretereunte
per villam de bertonibus in sursum videlicet a fondo
dictae villae de bertonibus. Et qui contrafecerit det et solvat
dicto comuni pro poena et bano soldos quinque imperiales pro
qualibet persona et quolibet corio et qualibet vice. Et quilibet
fide dignus possit accusare. Et similiter in rivo de Catagna
absque licentia consulum.
XVI. – DE BESTIIS PIGNORANDIS.
Item statuerunt quod quilibet porcus ferratus solvat dicto
comuni ille cuius fuerit pro poena et bano imperiales sex et
sine ferro imperiales duodecim si inventus fuerit in terris tensatis.
Et quod per qualibet capra solungera inventa in guasto
per totum annum imperiales duodecim. Et pro qualibet noda
bestiarum inventa in terris tansatis sine custodia imperiales
duodecim et si cum custodia soldos duos imperiales. Salvo in
montibus tensatis et omni tempore anni bestiae inventae in seminato
soldos quinque imperiales pro qualibet vice et noda bestiarum.
Et pro qualibet capra inventa in silvis et in vineis
omni tempore anni soldos quinque imperiales pro qualibet vice,
nisi ducerentur caprae per stratas de loco ad locum.
|
|