adest tempus, quo morbis mortalibus medicina possit
infundi.
24. AUGUST. (lib. I Contra advers. Legis et Proph .,
c. 14, tom. VI). Eum qui non noverat . Noverat enim
per sapientiam, non noverat per experientiam.
25. AUGUST. (lib. Ench. ad Laurent ., cap. 41, t. III).
Pro nobis peccatum fecit . Hoc est, sacrificium pro
peccatis, per quod reconciliari valeremus. Ipse est
ergo peccatum, ut nos justitia, nec nostra, sed Dei:
nec in nobis, sed in Deo, sicut ipse fuit peccatum,
non suum, sed nostrum, nec in se, sed in nobis
constitutum. Similitudinem carnis peccati, in qua
crucifixus est, demonstravit. Haec est illa justitia
Dei, non qua ipse justus est, sed qua nos ab eo facti.
26. LANFR. Peccatum fecit . Ordo: Deus Pater
Christum peccatum, id est, hostiam pro peccato, ut
nos efficeremur justificati in ipso, id est, in fide Jesu
Christi.
CAP. VI.—1. LANFR. Gratiam Dei . Gratiam Dei
vocat remissionem peccatorum; quam in vacuum
recipit, quisquis se in bonis operibus postea non
exercet.
2. Ait enim . In Isaia sic loquitur: In tempore
placito exaudivi te; et in die salutis auxiliatus sum
tui.
3. Tempore accepto , etc. Diceret quis: Est tunc
aliquid gratia Dei? Est, quia exaudire Domini tempore
accepto, et adjuvare est. Et hoc probat ab
effectu, quia exaudit et adjuvat. Item hoc ab auctoritate:
ipse enim dixit, Tempore accepto, etc.
4. AMBROS. Nemini dantes . Vigilantia sua omnem
amputat offensionem, ne ministerium ejus vituperetur;
vituperaretur enim, si quae doceret, operibus
non compleret.
|
|