10

et ipsa die capta est, et cum septem galeis et duabus navibus et cum aliis multis navibus,
combusta est, et prorsus expoliata est. Eadem vero die Trani capta est. Secunda quidem
die, Nonas Augusti, Pugerule castrum, Rivello, Scala et Scalella Maiori et Minori, divina
favente clementia, civitates in montibus posite, capte sunt. Tertia vero die, septimo Idus
Augusti, Pisanorum pars obsedebat Fractas, castrum Rivelli cum edificiis, gattis. Rogerius,
Sicilie rex, cum septem milia militum et sexaginta galeis et gattis et navibus cum multitudine
peditum Salerni permanentes, civitates captas succurrere non audente. Interea hec
regis expeditio montes ascendens, Pisanos castrum obsidentes devicit, et in fugam usque ad
mare convertit, et ex eis quingentos nonaginta sex retinuit, in festivitate videlicet Sancti
Sixti. Post hec Pisani bellum prestolati sunt per dies XX et tres, in quibus Isclam Maiorem
regis Insulam devastaverunt. Sic Pisas reversi sunt sexto Idus Sept.
A.D. MCXXXVII. Grecum imperatoris Constantinopolis nuntii, qui Pisis miserunt CC
de palatio paliis et unum auro textum mirabile, qui altari dedicavit duo auri et argenti
turibula pretiosissima, Soffredi filio nocte ab ecclesia Sancte Marie cum sagittariis furtim
abstulerit, quem ad Vurnum in Garfagnana transportavit, quartodecimo kal. Decembris. Pisani
eum cum honore recuperant; de quibus Lucenses cum omnibus eorum amicis valde
contristati sunt.