: Passio ss. XII Syrorum (BHL 1620, 1622, 6955)

Pag 203


erant, quos Turgius et Leontius, magistri militum, incluserant.
Quos, aperto carcere, psallentes eos inuenit atque dicentes: «Pereant
dii demoniorum, et letetur cor querentium Dominum». Et
dixit angelus Domini: «Pax uobis, nolite timere: sed egredimini et
predicate uerbum Domini in ciuitatem istam». Qui eadem hora
egressi sunt de carcere in suburbana ciuitate, in cripta; et imposuerunt
signum sanctae Crucis in frontibus fidelium, et fecerunt sibi
clericos et ministros.
Peruenit decretum ad Diocletianum et Maximianum Augustos a
Turgio et Leontio, magistris militum, et Martiano proconsule:
Orta est seditio pontificum et magistratus templorum propter Galileos,
qui colunt signaculum crucis Christi.
Dicentes ad Augustos:
Piissimi imperatores, semper Augusti, succurrite uestrae pietati, quia
in re publica uestra omnium templorum pontifices contempnuntur propter
sectam uanissimam Christianorum, qui de Syriae partibus uenerunt, eo
quod in diuersis urbibus omnesque plebes et ciuitates Christiana repletae
sunt doctrina. Sed iubeat uestra clementia propitiare uobis pectora omnipotentiae,
ut ad uestrum iussum omnis terra incendant thura, seu libamina

Torna all'inizio